На четвртиот EASE Summit 2025, Маја Виденовиќ го презентирше SHIELD проектот (Практично учење преку симулација на игрa за подобрување на вештините за сајбер безбедност). Проектот е спроведен во рамките на Cyber Balkans проектот, финансиран од Европската Унија, и е посветен на зајакнување на свеста за сајбер безбедност во училиштата низ Македонија.
Во презентацијата под наслов “Empowering Cybersecurity Learning Through AI, Storytelling, and Game-Based Pedagogy”, таа ја опиша SHIELD методологијата – иновативен пристап кој комбинира раскажување приказни поддржани со вештачка интелигенција и учење базирано на игра за да се креираат интерактивни и ефективни средини за едукација за сајбер безбедност.
Маја зборуваше за дизајнот и фазите на оваа методологија, со посебен осврт на имплементацијата, резултатите и оствреното влијние. Може да ја погледнете презентацијата на следниот линк започнувајќи од 4:35:35: 4th European Summit for STEAM Educators – Day 2
