Scientix објави повик за прилози за четвртата Scientix конференција, која ќе се одржи онлајн во петок на 18 и сабота на 19 ноември 2022 година. Крајниот рок за поднесување трудови за конференцијата е 17 август 2022 година.
Оние кои се заинтересирани да придонесат за еден од главните настани за научното образование во Европа, сега можат да ги поднесат своите предлози за пленарни онлајн презентации, паралелни онлајн презентации, дигитални постери и практични онлајн работилници. Од поднесените предлози Scientix ќе избере до 15 STEM образовни проекти, 32 презентации, 50 постери и 8 работилници.
Одете на веб-страницата на конференцијата Scientix за да дознаете повеќе за овој повик и како да го изразите вашиот интерес.
За конференцијата Scientix
Конференцијата Scientix, организирана од European Schoolnet, е еден од главните настани за вмрежување на научно образование во Европа. Со само 2.000 места, целта на конференцијата е да даде преглед на предизвиците и можностите во научното образование во Европа и да ги истакне потенцијалите и можностите што може да ги донесе заедницата на Scientix. Конференцијата Scientix е исто така единствена можност да дознаете повеќе за различни проекти за STEM образованието во Европа, продлабочување на врските, генерирање нови идеи и инспирација на едукаторите за наука да ја поттикнат креативноста и ентузијазмот за STEM образованието и да ја споделат нивната експертиза, знаење и најдобри практики.
Пријавувањето за конференцијата ќе започне во почетокот на септември! Проверувајте ја веб-страницата на Scientix и социјалните медиуми за да го резервирате вашето место за овој уникатен – и бесплатен – STEM едукативен настан.