Маја Виденовиќ од Диг-Ед учествуваше на Design Thinking Workshop во Hasso Platner Institute (HPI) во Потсдам, од 14 до 15.11.2024 година. Работилницата беше организирана од Digital Education Hub, со цел да обезбеди увид во методологијата на дизајнерско размислување. Како водечка институција во компјутерската наука и дизајнерското размислување, институтот обезбеди совршена средина за истражување на оваа иновативна методологија за решавање проблеми насочена кон поединецот.
Учесниците работеа во мултидисциплинарни тимови во рамките на HyFlex работна средина , поминувајќи низ секоја фаза од процесот на дизајнерско размислување и обидувајќи се да најдат решение на предизвикот: Ментална благосостојба и ангажирање во дигитално учење. Истражувањето на процесот на дизајнерско размислување во 6 чекори со 40 учесници од 20 земји на ЕУ, организирани во 8 помали тимови, од спроведување интервјуа и прототипи до бура на идеи и практична соработка, секој момент понуди значајна можност за учење и развој за учесниците.
Тимот во кој работеше Маја се фокусираше на надминување на предизвикот поврзан со недостаток на ресурси и обука, како и постоење на стравот од промени, преку истражување на иновативни решенија кои поттикнуваат ангажирани искуства за учење, промовираат меѓународна размена и го подобруваат менталното здравје од перспектива на едукаторите. Нејзиното активно учество на работилницата доведе до подобрено меѓународно присуство на Dig-Ed.
Оваа работилница не беше само за учење на нов пристап, туку повеќе се однесуваше на промена на начинот на размислување, усвојување на љубопитност, креативност и иновативност. Маја ќе се обиде да ги примени стекнатите знаења и вештини во идните проекти на Диг-Ед и.
